إدارة الوقت “Time Management”

إدارة الوقت

إدارة الوقت هي عملية تحديد وتنظيم الوقت لأداء مهمة محددة ، وتكون العملية بهدف زيادة الفاعلية والانتاجية .

من أهم فوائد إدارة الوقت Time Management هو توفير جزء من الوقت لصالح وقتك الخاص لقضاؤه مع العائلة او الهوايات وده بيجي من ترتيب الأولويات والبعد عن مضيعات الوقت

“أن تكون مشغول لا يعني انك منتج”

كلنا عندنا 24 ساعة في اليوم  بس مش كل الناس بتستفيد منها ممكن واحد يستفيد بساعة واحدة بس في اليوم واحد تاني بساعة في الأسبوع واحد تاني يقدر يستفيد بال 24 ساعة كلهم 

بس ايه هو الفرق بين التلاتة هل الاتنين الاولانيين مبيعملوش حاجة خالص طول اليوم هل من الممكن واحد يقعد اسبوع كامل من غير ما يعمل اي حاجة غير ساعة بس في اسبوع كامل 

الاجابة هتكون العكس الراجل ده غالبا بيعمل حاجات كتيرة جدا في الاسبوع و في الاغلب هو مش فاضي و مشغول طول الوقت بس هو مشغول في حاجات ملهاش أهمية معندهوش ترتيب للأولويات ده ممكن كمان يكون مشغول اكتر من الراجل اللي ييستفيد من ال 24 ساعة كلهم بس الفرق ما بينهم  هو واحد عنده ادارة للوقت و واحد معندهوش.

التسويف 

التسويف أو التأجيل لآخر الوقت علي حسب دراسات في علم النفس هي طريقة للهروب من الواقع او ايجاد عذر عشان المسوف (اللي بيأجل الحاجة لآخر الوقت ) ميشكش في قدراته ويبقي عنده على طول عذر مكنش في وقت كفاية مش ان هو ميقدرش يعمل كده او امكانياته متسمحش

أو حتى يحط نفسه في موقف بايخ أو محرج ده بيبان في الناس اللي عندها امتحانات و الناس اللي عندها  deadline ازاي بيزنق نفسه لأخر لحظة وبعدين يشكي ان الشغل كتير والحجة المناسبة مفيش وقت كفاية.

شوف الورشة ديه لو عايز تعرف ازاي تدير وقتك و تعالج التسويف

لمقالات أكتر عن الـStartups وريادة الأعمال أشترك في النشرة البريدية من هنا