ايه مراحل انشاء الشركات الناشئة ؟وايه هي “المشاكل الجيدة”؟

كل شركة ناشئة بتمر بعدة مراحل , هنتكلم انهاردة عن الـ IDEATION PHASE

4 هو عدد تصنيفات الشركات الناشئة

– فكرة جديدة تماما تكون اضافة (Gain Creation)

– استخدام نموذج عمل او منتج او خدمة موجودة بالفعل و تطبيقها علي مجال جديد

– او تطبيقها علي منطقة جغرافية مختلفة

– اكتشاف حل لمشكلة مؤرقة ( Pain Relief )

* الفكرة بتكون قائمة علي عنصرين :

– المشكلة

– الحل بيكون ليه شكلين ( قيمة مضافة Gain Creators ) او ( حل للمشكلة Pain Relief )

أولاً المشكلة :

في 6 خصائص ” للمشكلة الجيدة ” اللي هتختار فكرتك علي اساسها

1- مشكلة مؤرقة

2- مشكلة الجمهور مستعد يدفع لها مبلغ كبير مقابل حلها

3- عدد المتضرريين كبير

4- بتتكرر أكتر من مرة علي مدار اليوم

5- محتاجة حل فوري

6- مشكلة صغيرة لكن بتنموا

ثانياً الحل :

لازم تسأل نفسك ليه العميل هيختار شركتك في حين ان موجود أكتر من شركة بتقدم حل للمشكلة ؟! و هنا لازم تحدد ال (USP)

Unique selling proposition بمعني ايه النتيجة اللي هيحصل عليها العميل

لما يشتري المنتج بتاعك ؟

الشركات عندها 3 طرق للحل :

1- الأبتكار في المنتج : إنشاء منتج جديد كلياً

2- الأبتكار في عملية التصنيع : طرق تصنيع جديدة , Automation

3- خدمة تساعد في الحصول علي أقصي استفادة في عمليات البيع زي أنظمة ال CRM Customer relationship management

أتمني أن نكون وصلنا الفكرة ببساطة لو عندك أي سؤال بخصوص المقال ياريت تقولنا عليه في الـ Comments

لو عايز تكون عضو في مجتمع الرواد و يوصلك المقالات , ورش العمل و تعرف اّخر الأخبار عن برامج دعم ريادة الأعمال اول بأول تقدر تتابعنا عن طريق :

– أدخل علي جروب ” مجتمع الرواد ” :

– أشترك في ال Email newsletter من هنا :

و استني المقالات الجاية اللي هنكمل فيها باقي مراحل الشركات الناشئة