ايه هي ريادة الأعمال ؟

انتشر في الفترة الأخيرة مصطلح ريادة الأعمال من ايفنتات و كورسات ومشاريع ريادية, هنحاول نوضح بعض المفاهيم عن ريادة الأعمال في سلسلة كاملة بتتكلم عن الموضوع من الفكرة للشركة .
خلونا نتكلم في الأول يعني إيه ريادة الأعمال :
ريادة الأعمال تعريفها في (القاموس) : نشاط إنشاء الأعمال التجارية مع الأخذ في الاعتبار المخاطر المالية
التعريف العملي هو عملية تحويل مشكلة او حاجة عند المجتمع لمنتج يمكن الربح منه ماديا و مجتمعيا
مين هو رائد الأعمال هو شخص بيبص للدنيا بطريقة تانية بيبص للمشاكل على إنها فرص و الفرص يمكن تحويلها لمشروع والمشروع يجيب فلوس ، عنده رؤية على المدى البعيد و شايف هو رايح فين بيقابله احباطات كتير بيقدر يتغلب عليها فى وقت ممكن الناس متكونش مصدقة فيه او في فكرته اكيد جاتلك افكار مشاريع كتير و شايفها ناجحة انها تتعمل و تحقق منها ربح كبير بس الفكره مش في ان يكون عندك الفكره و خلاص الموضوع اكبر من كده في ريادة الأعمال الفكره دي لازم يتعملها مسار عشان توصل ان هي تبقي مشروع يقدر ينجح .”الفكرة في حد ذاتها متساويش حاجه” الفكره تساوي فلوس لما تقدر تحولها لمشروع ناجح ودائم
قد تفكر ان رواد الأعمال من الشباب زي كثير من الشباب و الشابات يبدأون مشاريعهم الخاصة و لكن العمر المتوسط رائد الأعمال هو 40 عام .
قد تفكر ايضا انك لا تملك المال الكافي لبدء مشروع و هذا قد يكون صحيح لذا من الحكمة أن تبدأ صغير. لكن الحقيقة ان معظم اصحاب الافكار يعيقهم الخوف من المجهول الفشل اكثر من نقص المال للبدء.