ما هو التأسيس الشركات؟
التأسيس هو أن الشركة يكون لها كيان قانوني (شخصية اعتبارية) تستطيع من خلاله التعامل مع الجهات الحكومية وغير الحكومية بشكل رسمي. وده بيحصل عن طريق استخراج مجموعة من المستندات اللي بتعبر عن الشركة اهمها السجل التجاري والبطاقة الضريبية.
بس في شوية حاجات كده لازم تعرفها قبل التأسيس
- يبقي عندك مقر اداري فعلي أو افتراضي
- تحديد شكل الكيان القانوني المناسب ليك
- (شركة ذات مسئولية محدودة -شركة الشخص الواحد -الشركة مساهمة -شركات التضامن -شركة التوصية البسيطة -منشأة فردية )
- نوع النشاط او مجموعة الانشطة اللي انت هتشتغل فيها والمسمى القانوني لها
- رأس مال المشروع هيبقي كام
طبعا ممكن سؤال يجي في بالك دلوقتي : ليه أسس واعمل كل ده يعني هستفيد ايه؟!!
هتستفيد انك هتتجنب التعرض للمسائلة القانونية علشان ممارسة اي نشاط تجاري بدون ترخيص (التأسيس) هيعرضك للمسائلة القانونية اللي بتكون ليها عواقب بتوصل للسجن وكمان الضرايب هتتفرض عليك بأثر رجعي وبشكل جزافي.
وكمان لما تأسس هتقدر تمضي عقود شغل رسمية وتستخرج فواتير ضريبية باسم و ختم شركتك (يعني هتمضي عقود طويلة الأمد وليك فواتير مختومة وده بيدي ثقة أكبر للعميل فيك).
طيب انت دلوقتي شغال والناس اللي بتتعامل معاها مش بيطلبوا فواتير رسمية ومختومة والكلام ده ،، تأسس ليه؟
انا اقولك تأسس ليه : في حاجة اسمها علامة تجارية يعني بالاختصار كده هو انك تسجل بشكل رسمي حق استخدام حصري لاسم شركتك و الشعار (logo) ، عشان تنمع التقليد او الاستخدام الغير رسمي يعني تخيل مثلا لو ماكدونالدز او كنتاكي او صبحي كابر معملوش تسجيل للعلامة التجارية تصور كان هيبقي فيه كام براند بنفس الاسم او الشعار.
طبعا في حاجات كتير تانية زي حقوق ملكية فكرية او رخصة استيراد وتصدير مستحيل تعملها من غير التاسيس ، لانه يعتبر شهادة ميلاد لشركتك من غيره النشاط غير معترف بيه وكمان مخالف للقوانين.
تواصل معنا من خلال الواتساب
