8 خطوات تعملهم عشان تخرج من الـComfort Zone وايه تأثير ده علي شغلك ؟

هنتكلم انهارده عن ازاي تخرج بره منطقة الراحة او ما يعرف بـ Comfort zone

*خلينا متفقين اننا مش هنكون ناجحين او مؤثرين في المجتمع من غير ما نخرج بره الـComfort Zone بتاعتنا , النهاردة هنتكلم عن ازاي تخرج بره الـComfort Zone و تاخد قرارات جريئة أكتر في شغلك و حياتك العملية

لكن لازم تكون عارف أن الخطوات كلها معتمدة علي قوة الإرادة عندك انت .

* في الأول ايه هي الـComfort zone ؟!

هي احساس داخلي بالأمان لأنك محاط بحاجات مألوفة , هي عاداتك و روتين حياتك لفترة معينة , بتوحي بإحساس نفسي مطمئن مع وجود القلق و الضغط بس بيكون بدرجة قليلة قوي , و بتشجعك تكون بعيد دايما عن المجازفة .

طيب ايه هي الخطوات ؟

1- لازم تعرف ايه هي أهدافك : الاول تشوف ايه المجال اللي انت عندك شغف فيه و في الأغلب هيكون فيه Role Model ليك في المجال ده , شوف ايه الـSkills اللي أنت محتاجها عشان توصل لمكانته و بعديها أختار Role Models أياً كان مجال شغلهم يكون كل واحد فيهم متميز انه قوي في Skill معينة عشان في الأخر تعمل الـModel بتاعك أنت اللي هتنجح بيه

2- ابدأ خطوة خطوة : خلينا نتعلم من الاطفال استراتيجيتهم في تعلم المشي , هنمشي خطوة خطوة و مع كل خطوة هنمشيها و ننجح فيها هناخد ثقة أكتر و الخطوة اللي بعدها هتكون أكبر .

3- غير روتين حياتك : أعمل بعض التغييرات البسيطة وصدقني هتفرق في الـMindset بتاعتك , ممكن تصحي بدري تلعب رياضة , تغير نوع الأكل اللي متعود تطلبة كل متاكل بره , ابدأ أتعرف علي ناس جديدة في نفس المجال اللي اخترته ، ده هيفتحلك فرص أكتر و هيخليك تعيش تجارب مختلفة معاهم .

4- وسع أهتماماتك : الخروج من الـComfort Zone محتاج أنك توسع دايرة أهتماماتك , تبدأ مثلاً تهتم بورش العمل اللي ليها علاقة بمجالك و تحضر Events أكتر .. مهم جداً تكون الأهتمامات الجديدة أنت بتحبها لأن غير كدا هتكون تضييع للوقت , خلي الحاجات اللي أنت مش ميال ليها لكن مفيدة في أخر قايمة الاهتمامات .

5- تابع تطوراتك دايما : أكتب حاولت تعمل ايه و وصلت لإيه من أهدافك و إيه لسه , دا مهم لأنك محتاج تراجع أسباب نجاحك و أسباب فشلك عشان تستخدمهم في التجارب الجاية .

6- غير البيئة بتاعتك : كون لنفسك بيئة جديدة , البيئة هي شغلك و سكنك و ديكور غرفتك ..والخ

مثلا كتير مننا بيضطر يكمل في نفس الشغل بالرغم من أن الشغل مش بيأثر علي حياته الشخصية لمجرد انه خايف ياخد الـRisk .

7- كتّر شوية من كلمة “ACCEPTED” : اتعودنا نقول (لا) للفرص الصعبة و بنضيعها من إيدينا مع انها صعبة لكن مش مستحيلة و ممكن تكون سبب في تأثير إيجابي في حياتنا .

8- احسب المخاطرة قبل البداية ، مش كل فكرة تجيلك تبقى حلوة وتغير حياتك عشانها

في الأخر الموضوع كله معتمد علي العزيمة و الإرادة و الأهم الـMindset بتاعتك , ابدأ اشتغل علي نفسك و هتشوف النتايج قد ايه تستحق التعب .

نتمني أن نكون وصلنا الفكرة ببساطة لو عندك أي سؤال بخصوص المقال ياريت تقولنا عليه في الـ Comments

لو عايز تكون عضو في مجتمع الرواد و يوصلك المقالات , ورش العمل و تعرف اّخر الأخبار عن برامج دعم ريادة الأعمال اول بأول تقدر تتابعنا من هنا:

– أدخل علي جروب ” مجتمع الرواد ” :

– أشترك في ال Email newsletter من هنا :