اخطاء منتشرة عند إدارة وقتك (الجزء الأول)

اخطاء منتشرة عند إدارة وقتك. (الجزء الأول)

1. عدم الإعتراف أن عندك وقت كافى

بدل ما تقول إنك معندكش وقت تخلص شغلك ، قول أنك محتاج إنك تحسن إدارة وقتك ، وإبدأ بتجربة الطرق اللي ممكن تساعدك على تحقيق أهدافك.

2. تجاهل تخطيط وقتك و تخطيط يومك .

“من المهم أنك تخطط يومك علشان تحقق اكبر قدر من الكفاءة و لكن إنت مش مضطر إنك تعرف كل إللى هتعمله كل دقيقة ، ولكن حاول تحدد أهدافك اليومية و المهام اللي عايز تكملها ، ثم حدد أولوياتها على حسب الأهمية”

3. ترك “العاجل ” يتفوق على “المهم”.

يعتبر تمييز “العاجل” من “المهم” تحدي كبير لمعظم رواد الأعمال.

من افضل الطرق هو استخدام “جدول ايزنهاور” هتساعدك في تحديد أولوياتك ومهامك بحيث إنك ما تسمحش للمهام المستعجلة انها تسيطر على الجدول الزمني الخاص بك . خذ كل المهام الخاصة بك وحطها في أربعة تصنيفات :

أ-عاجل و مهم : لازم تعمل المهمة دي فورا
ب-مهم و غير عاجل : من الممكن تأجيلها لميعاد مناسب
ج-غير مهم و عاجل : من الضروري تفويض احد غيرك للقيام بالمهمة دي
د-غير عاجل و غير مهم : مهمة غير ضرورية تماما ، ممكن تعملها وقت فراغك مثلا

4. القيام بكافة المهام بنفسك وعدم تفويض بعض الأعمال.
مفيش شك ان الجانب الفني او التقني بيكون هو محور الاهتمام لمعظم الناس، لكن الناجحين متميزين بمهارة التفويض الفعال عن طريق مشاركة جزء من شغلهم مع فريقهم بشكل مناسب. خد بالك واعمل تفويض بعض المهام للأشخاص المناسبين.

5. عدم تنظيم وقت النوم.

الموضوع كله ببساطة انك تخصص بعض الأوقات الثابتة للنوم ، وتشتغل فى الأوقات الأعلى إنتاجية عندك (معظم الدراسات بتقول ان افضل وقت بيحقق أعلى انتاجية بيكون بعد الفجر وتكون نايم قبلها فترة كبيرة).
.
.
إنتظرونا فى الجزء التانى