تنظيم و ادارة الوقت

الحلقة التانية من #الزتونة_للنتيجة_المضمونة
الحكمة بتقول “الوقت كالسيف إن لم تقطعه قطعك” يعني خاف على نفسك 
تنظيم وادارة الوقت هو من أهم العوامل عشان تقدر تستفيد من وقتك وتنجز فيه حاجات كتير ، عن طريق أسلوب تنفيذك للحاجات اللي بتعملها طول اليوم 
..
مبدئيا كده حاول تحسب وقت كل نشاط بتعمله يوميا زي الاكل والنوم واعملها بمواعيد ثابتة وترتيب الاولويات ممكن تستخدم الجدول في الصورة :
– يعني لو في حاجة مهمة ومستعجلة اعملها حالاً 
– انما لو الحاجة دي مستعجلة بس مش مهمة اديها لحد غيرك يعملها ،، وهكذا
..
في بداية اليوم او الوقت المخصص للشغل اعمل قائمة مهام ( To-Do-List) خلي جدولك في مرونة عشان تقدر تعدل وتضيف عليه , واعمل وقت مخصص للترفيه او ممارسة هواية مثلا 
حدد للشغل اكتر وقت بتكون فيه نشيط (الدراسات بتقول ان افضل وقت للشغل هو من الصبح بعد الفجر وتكون نايم فترة كافية قبلها ، بتكون طاقتك عالية والمخ مركز جدا )
..
ذاكر الحاجات الصعبة الاول وبعدها الاسهل ، وحط اهداف معقولة ومنطقية عشان تقدر تنجزها ، في اساليب كتير ممكن تستخدمها زي (25 دقيقة شغل و5 دقايق فاصل – او 50 دقيقة وخد فاصل 10 دقايق) , وحاول تلتزم بالوقت الي انت هتحدده للفاصل ونصيحة ما تفصلش بالمشتتات (السوشيال ميديا مثلا  )
*انتظرونا بكرة ان شاء الله في نفس الميعاد مع حلقة كاملة عن الادوات والتطبيقات الي هتساعدك في التنظيم*
……………………………………………………….