3 طرق عشان تحافظ على إنتاجك تحت الضغط

3 طرق تقدر بيهم تبقى منتج اكتر او تحافظ على إنتاجك تحت الضغط 

1- اتغلب على النسيان 
ممكن تستخدم مذكرة او مفكرة سواء بشكل ورقي او تطبيق على الموبايل ، وتدون فيها كل الحاجات اللي عايز تعملها وترتبها بالاولوية او بالتوقيت المطلوبة فيه

2-نظّم المهام المطلوبة 
في يومك العادي بيكون مطلوب منك مهام كتير في الشغل او الدراسة وبشكل شخصي وحاجات ممكن تضاف فجأة ، بيكون حل ممتاز للمواقف دي تقسيم وتصنيف المهام
(1) عاجل ومهم
(2) عاجل ولكنه غير مهم
(3) مهم ولكن ليس عاجلا
(4) ليست عاجلة أو مهمة.
بعد ما تصنف كل مهمة ابدأ تنفيذ الحاجات في التصنيف رقم (1) وتشوف حد يساعدك في مهام رقم (2) ، وتأجل كل المهام رقم (3) لما يكون الوقت مناسب ليها ، اما المهام رقم (4) تعملها في اي وقت فراغ طالما مش ضرورية ولا مستعجلة.

3-خذ فواصل استراتيجية 
في دراسة حديثة على الموظفين وفترات الراحة خلال العمل ، وجد ان نسبة 38 ٪ بس بيحسوا بالانتعاش بعد الراحة . ببساطة لانه على حسب بتعمل ايه في الراحة يؤثر بشكل مباشر في الإنتاجية ، وعشان تستفيد فعلا من الراحة اعمل الحاجات دي
– ابعد عن الكمبيوتر او مكان الشغل بشكل عام ، وجرب المشي السريع افضل بكثير من الموبايل والسوشيال ميديا.
– في بعض الأحيان ، ممكن تحتاج تاخذ فترات راحة متعددة
– اشتغل على مهمة واحدة في كل مرة وخليك واعي باحساسك انت محتاج راحة او لا
………
في النهاية مفيش طريقة واحدة تناسب كل الناس ، بس دي بشكل عام هتساعدك تخلي الانتاجية افضل ان شاء الله
شاركونا رأيكم ازاي بتزودوا الانتاجية أو تحافظوا عليها تحت ضغط ؟