أهم 4 أسئلة عن تأسيس الشركات
المقال ده لأي شخص صاحب Business أو بيفكر يفتح الـ Business الخاص به , هنوضح لك بالتفصيل كل الخطوات المطلوبة عشان تأسس شركتك و تشتغل بشكل قانوني و ايه تأثير دا علي شغلك
دي النقط اللي هنتكلم فيها :
1- ايه هو تأسيس الشركات ؟
2- ليه تأسيس الشركة مهم ؟
3- ايه أهم خطوات مرحلة التأسيس ؟
4- ايه هو المكتب الافتراضي ؟
5- الأسئلة الشائعة
——————————————————————
1- ايه هو تأسيس الشركات ؟
التأسيس هو عملية تقنين النشاط ، وأهمها استخراج البطاقة الضريبية و السجل التجاري والتراخيص اللازمة لممارسة نشاط الشركة
——————————————————————
2- ليه تأسيس الشركة مهم ؟
عشان تتجنب المشاكل :
اي نشاط تجاري بدون التأسيس هيعرضك للمسائلة القانونية اللي بتكون في صورة غرامات ومخالفات بتوصل للسجن , و الضرائب هتتفرض عليك بأثر رجعي ، و مش هيكون في فواتير رسمية للتعاملات والحسابات بالتالي غالبا هيتم تقدير قيمة الضرائب بأكثر من القيمة الحقيقية .
عشان تحصل علي مزايا :
خطوة التأسيس بتفتح لشغلك مجال اوسع مكنتش هتعرف تعمله وانت شغال من غير ورق رسمي ، يعني ممكن تعمل تعاقدات طويلة المدى مع شركات تانية او موردين ويديك سعر مميز ، وكمان لما يتطلب منك عقد شغل او فاتورة ضريبية تعرف تطلعها بأسم وختم شركتك .
——————————————————————
3- محتاج اكون عارف ايه و ايه الخطوات اللي اعملها عشان التأسيس ؟
* لازم تكون محدد الشكل القانوني لشركتك , خلينا نبدأ من ايه هي أشهر الأشكال القانونية المتاحة ؟
ذات مسؤولية محدودة – شركة الشخص الواحد – شركة مساهمة مصرية – المنشأة الفردية – شركات التضامن والتوصية
* تكون عارف ان الشكل القانوني مرتبط مع شوية عوامل تانية
– منها مثلا رأس المال : بيختلف من شكل للتاني مثال ( شركات المساهمة تتأسس برأس مال 250 الف ج كحد أدني )
– أو حسب نشاط الشركة
– عدد الأفراد المؤسسين وغيرها …..
الاجراءات
* تجيب مقر مرخص إداري وليس سكني وله شوية شروط مثلا هو عبارة عن مكتب مفروش اثاث مكتبي و مجهز للشغل يكون في موظف استقبال وهكذا ،،، لأن ده المكان اللي هتستقبل عليه المعاينات الحكومية
* الاستعانة بمحاسب قانوني شاطر ومحامي شركات لعملية التأسيس
——————————————————————
4- ايه هو المكتب الإفتراضي – Virtual Office؟
ده حل ممكن يوفر لك اكتر من 75% من المصاريف التقليدية بدل ما تجيب مقر وتتحمل مصاريف التجهيز والفرش وخلافه ،هو تعاقد على مقر إداري رسمي يكون عنوان لشركتك بالاضافة الي خدمات الاستقبال والسكرتارية ، وعن طريق العقد تقدر تستكمل متطلبات تأسيس شركتك
اعرف اكتر من خلال فيديو توضيحي عن الخدمة
——————————————————————
5- لو عندك أسئلة زي مثلاً
ايه الشكل القانوني المناسب لشركتي ؟
ايه هو الحد الأدني لرأس المال ؟
مدي تأثيره علي الضرائب ؟
ايه الأوراق المطلوبة للتأسيس ؟
الشروط الخاصة لتأسيس شركتي ؟ هل في شروط خاصة بالمؤسسين ؟
ممكن أحول من شكل قانوني لآخر ؟
التأسيس هياخد وقت قد ايه ؟
اجابة اي سؤال منهم بيكون على حسب نوع شركتك ونشاطها وخصائص معينة بتختلف من شركة للتانية على حسب خططها المستقبلية ورؤية المؤسسين
لو محتاج اجابة مخصصة لشركتك ممكن تحجز جلسة استشارات مجانية من هنا هيتم الاجابة فيها عن كل استفساراتك ومساعدتك في نجاح مشروعك
(0) Comments
ما هي دراسة الجدوي؟ - Pioneers Space
[…] الإجراءات القانونية الخاصة بالتأسيس […]